Pokhara, Lekhnath, Tanahun
पश्चिमतिरका तस्वीरहरू यसपालिको दशैँ दुई कविमा समर्पित भएर बित्यो | साहित्यमा रुचि राख्ने मान्छे भएको नाताले मलाई साहित्यनजिकका कुराहरुले स्पर्श गर्ने गर्दछन् | धेरथोर साहित्यिक रचनामा हात पनि हालेको र मौसमी सहित्यको रसस्वादन पनि गरी आएको मान्छे जो परियो | भानुभक्तको जन्मस्थलमा स्थापित संस्कृत पाठशाला "ज्युँदै मरयाको भनी नाउँ कसको ? उद्यम बिना बित्दछ काल जसको |" यी पंक्तिका रचयिता नेपाली आदिकवि भानुभक्त आचार्यको जन्मस्थल चुँदीरम्घा, तनहुँ पुग्ने अवसर जुट्यो यसपालि | लेखनाथ जन्मस्थल प्रवेशद्वार त्यस्तै पोखरा घुम्ने सिलसिलामा लेखनाथ नगरपालिकामा बास जुर्यो | यहाँबाट वेगनास ताल पुग्न सजिलो रहेछ | बाटोमा कविशिरोमणि लेखनाथ पौड्यालको जन्मस्थल पनि पर्ने रहेछ | म खाऊँ मै लाऊँ सुख शयल वा मोज म गरू म बाँचूँ मै नाचूँ अरु सब मरुन् दुर्बलहरु भनी दाह्रा धस्ने अबुझ शठ देखी छक परी चिता खित्का छाडी अभयसित हाँस्यो मरिमरी । - कविशिरोमणि लेखनाथ पौड्याल पोखरा विचित्रको सहर रहेछ | घुम्दै जाने क्रममा थुप्रै रमणीय स्...
